Kompania Suning që ka marrë pronësinë e Interit ka vendosur të bëjë investime të rëndësishme në klubin milanez që do të nisin që në merkaton e muajit janar.

Sipas asaj që publikohet në median italiane, në fillimin e vitit të ardhshëm Interi do të kërkojë të përforcojë repartin e mbrojtjes dhe emrat e përmendur në këtë pikë janë ata të Darmian, Caceres apo Lindof.

Po kështu, në shënjestrën e zikaltërve janë edhe Berardi apo Bernardeschi që përfshihen në planin për italianizimin e Interit.

Përsa i përket merkatos së verës së vitit 2017, në listën e dëshirave të Interit janë shënuar emrat e disa prej futbollistëve më të mirë të botës edhe pse nuk do të jetë shumë e lehtë të arrihet tek ata.

Pikërisht për këtë arsye, drejtuesit e Suning po mendojnë të përshpejtojnë lëvizjet për të sjellë Gentile Suarez, James Rodriguez ose Agueron gjë tregon se kompania kineze e ka marrë seriozisht punën për të kthyer Interin në nivelet më të larta të futbollit në Itali dhe Evropë.