|
Revista
|
|
Zidane vs Materazzi,diplomacia nderkombetare deshton me ta.
Vazhdon të mungojë paqja mes Zinedin Zidan dhe Marko Materacit pas atij incidenti në finalen e Botërorit 2006. Më 16 dhjetor 2006, edhe vetë sekretari i Shtetit të SHBA-së, Henri Kisinger, u angazhua për paqen mes tyre. Një tjetër njeri që është marrë me këtë çështje është edhe Suzana Anjeli, presidente e komitetit për mbledhjen e fondeve për sëmundjet gjenetike. Menjëherë pas botërorit ajo mendoi për shtrëngimin e duarve mes dy futbollistëve direkt në TV. Në shtator, presidenti i FIFA-s, Josef Blater, lajmëroi një tentativë sqarimi mes Zidan e Materacit, që do të ndodhte në ish-burgun Robben Island në Afrikën e Jugut, ku Nelson Mandela u mbyll për 27 vite. Përveç Kisinger, u përfshinë edhe Lipi, Morati (që mori "po"-në e Materacit), Deshamp, Platini deri te presidenti i atëhershëm francez Zhak Shirak. Materaci vetë e kishte provuar me të gjitha mënyrat, ndërsa Zidan kishte thënë "jo" dhe "paqja e shekullit" nuk u arrit më që atëherë. Të gjitha tentativat e figurave të njohura kishin një destinacion, dështimin.
Mos perdorni komentet per te bere pyetje, mund te mos merrni pergjigje. Shkruaje pyetjen tende tek Pyetje dhe Pergjigje
Komento i pari kete artikull!
