Zbulohet biografia e parë e Enver Hoxhës: S’ka diplomë universitare

TIRANE-Në vitet e diktaturës faktin se Enver Hoxha nuk kishte shkollë të lartë e dinin veç disa bashkëkohësve dhe shokëve të tij të rinisë. E përditshmja Gazeta ‘Panorama’ shkruan sot se në biografinë e parë zyrtare të Hoxhës si sekretar i Parë i KQ të Partisë, botuar në vitin 1946, bëhet me dije se ai “ka kryer vetëm vitin e parë të studimeve në Universitetin e Monpeliesë në Francë, dega e Shkencave Natyrale, seksioni i botanikës”. Në asnjë rresht tjetër nuk përmendet diplomimi në Francë, por as ndonjë shkollë tjetër.

Libri “Enver Hoxha, biografi e shkurtuar” është botuar me përkujdesjen e KQ të Partisë në stabilimentin “Rinia” në pranverën e vitit 1946 dhe ka qëndruar në qarkullim vetëm tre muaj. Në 58 faqet e tij, brenda kapakëve të trashë me ngjyrë të kuqe, përshkruhet në mënyrë kronologjike jeta dhe vepra e diktatorit nga lindja deri ditën e zgjedhjeve të 2 dhjetorit 1945. Libri fillon me një biografi përmbledhëse të familjes Hoxha dhe vazhdon me vitet e fëminisë e të rinisë së Enverit, ku bie në sy mungesa e të dhënave për periudhën 1927-1936. E gjitha kjo, bashkë me përshkrimin e konteksit historik, zë vetëm gjashtë faqe. Sakaq, 52 faqet e tjera i kushtohen rolit të Enverit gjatë luftës, ku përfshihet themelimi i Partisë, Konferenca e Pezës, e Labinotit, krijimi i Shtabit të Përgjithshëm, Marrëveshja e Mukjes, Kongresi i Përmetit dhe përmbushja e detyrave si Komandant dhe Komisar i Lëvizjes Antifasiste.

(d.b/BalkanWeb)

Mos perdorni komentet per te bere pyetje, mund te mos merrni pergjigje. Shkruaje pyetjen tende tek Pyetje dhe Pergjigje

Sa bejne dy plus dy? (shkruaje me germa rezultatin)

	EMRI
	Dërgo

KOMENTET

Komento i pari kete artikull!