Vritet MUAMAR GADAFI. "Mos qëlloni, mos qëlloni", fjalët e fundit të tij

Share

(E PERDITESUAR)- Ndryshe nga sa ishte raportuar më parë, Muamar Gadafi nuk është arrestuar, por është vrarë. Lajmi bëhet i ditur nga ana e Al Xhazira. Vrasja e Gadafit është konfirmuar edhe nga ana e Këshillit Tranzitor të Libisë.

Sipas Al Xhazira, Gadafi është vrarë në një kanal, ndërsa ulëriste “Mos qëlloni, mos qëlloni”.

###

Muamar Gadafi më në fund është kapur, pas muajsh të tërë luftimesh. Lajmi bëhet i ditur nga agjenci të ndryshme lajmesh. Agjencia italiane Ansa, e cila i referohet Këshillit Tranzitor të Libisë, thotë se arrestimi i Gadafit ka ndodhur gjatë përpjekjeve të tij për t’u arratisur.

Mësohet se gjatë arrestimit, Gadafi është plagosur me armë zjarri në të dyja këmbët.

Arrestimi i Gadafit ka ndodhur gjatë marrjes së bastionit të fundit të tij në Sirte.

“Kolonel Gadafi është arrestuar bashkë me një prej djemve gjatë sulmit në Sirte, i plagosur në të dyja këmbët”, ka njoftuar televizioni libian, duke iu referuar Këshillit Tranzitor të Libisë.

Mediat ndërkombëtare thonë se tashmë lufta në Libi mund të quhet e përfunduar, duke qenë se Gadafi është arrestuar, ndërsa bastioni i tij i fundit është marrë nga Këshilli Tranzitor.

Mos perdorni komentet per te bere pyetje, mund te mos merrni pergjigje. Shkruaje pyetjen tende tek Pyetje dhe Pergjigje

Sa bejne dy plus dy? (shkruaje me germa rezultatin)

	EMRI
	Dërgo

KOMENTET

Komento i pari kete artikull!