Fitore si e Pirros për Edi Ramën

Pas zgjedhjeve, kanë nisur spekulime të shumta në lidhje me qeverisjen e ardhshme.
Dr. Thomas Schrapel, në një analizë të publikuar nga Fondacioni “Konrad Adenauer”, thotë se këto zgjedhje mund të jenë një fitore si e Pirros për Edi Ramën.

Sipas tij, fitues i këtyre zgjedhjeve ka dalë një kameleon politik, i quajtur Ilir Meta.“Pyetja që shtrohet është nëse ish- kryeministri është i kënaqur me rolin e ‘kingmaker’. Nuk është sekret që ai e mban veten për fitues të zgjedhjeve, madje ai nuk është mik i Edi Ramës. 

Që tani kanë nisur spekulimet e para se Meta, duke shfrytëzuar dorëheqjen e Sali Berishës dhe një vakum pushteti brenda PD-së, mund të rikthehet aty si kryeministër i ri”.

Sipas autorit të analizës, edhe Rama mund të shfrytëzojë këtë situatë brenda të djathtës dhe vetë brenda PD për të siguruar numrat e nevojshëm që të qeverisë pa pasur nevojën e LSI, që mund t’i kthehet atij në një minorancë bllokuese.

Ndërsa shtron për diskutim çështjen e sistemit zgjedhor, autori i bën thirrje Partisë Demokratike që të mos merret më me numra, por të nisë dhe të bëjë politikë. 

Sipas tij, do jetë e pakuptueshme që në listat e PD-së të ketë sërish emra socialistësh apo drejtues të partive të tjera aleate, të cilat më vonë, siç po ndodh me PDIU-në, deklarojnë se mund të shkojnë në aleancë me Edi Ramën.
“Se si do të shkojë qeverisja, këtë e di PD-ja. Pasuesit e Sali Berishës duhet të mësojnë që të bëjnë një oponencë cilësore”.

Mos perdorni komentet per te bere pyetje, mund te mos merrni pergjigje. Shkruaje pyetjen tende tek Pyetje dhe Pergjigje

Sa bejne dy plus 1? (shkruaje me germa rezultatin)

	EMRI
	Dërgo

KOMENTET

Komento i pari kete artikull!