|
Revista
|
|
Deklarata që çuditi botën:"Sarina lahet me sapun". Braçe kërkon falje
Deputetit i PS, Erion Braçe ka kërkuar ndjesë për deklaratën e tij se me lëndën kimike sarinë mund të lash duart edhe me sapun.
“Unë nuk jam specialist i këtyre armëve, kam pyetur e kam dëgjuar për to. Nëse dikujt, më profesional, artikulimi im për sarinën në gjendje të lëngshme, për më tepër në rrugë e në kushte të papërshtatshme shpjegimi, i duket jo korrekt, kërkoj ndjesë”, u shpreh Braçe.
Deklarata e Braçes që çuditi botën
Deputeti Erjon Braçe zhvilloi një bisedë me studentët që kishin dalë në protestë për armët kimike, duke i tallur për njohuritë dhe informacionin që ata kanë për armët kimike.
Braçe: Kush të ka thënë që është armë?
Studenti: Media.
Braçe: E para të ka gënjyer, çfarë është arma? Shpërthen apo nuk shpërthen?
Studenti: Shpërthen.
Braçe: Atëherë kush do ta shpërthejë, unë dhe ti...
Studenti: Po vendet e tjera pse nuk e duan këtë armë?
Braçe: Ku e di ti?
Studenti: Kemi parë të gjitha hartat, studimet, nuk i lënë të kalojnë as në ujërat territoriale.
Braçe: Kë studim, mor kë studim?
Studenti: Unë s’po flas kot, kemi parë gjithë ato lajme.
Braçe: Kë studim, më thuaj kë studim?
Studenti: Po nuk ka rëndësi.
Braçe: A e kuptoni që po ju gënjejnë mor, po ju gënjejnë... A e di çfarë është sarina?
Studenti: Po e di, gaz është...
Braçe: Po nuk është gaz mo, është lëng, e di si të vret? Vetëm me shpërthim. Mund ta marrësh, ta prekësh në dorë dhe s’të bën asgjë. Ti lash duart me sapun dhe s’të bën asgjë. Çfarë dëgjoni mo?
Studenti: Pse nuk e duan vendet e tjera, vetëm një gjë më thuaj, pse nuk e duan?
Braçe: Cilat vende mo, cilat vende?
Studenti: Finlanda.
Braçe: E di ti ku bie Finlanda mo? Nga do t’i bjeri mo për të shkuar në Finlandë? E di ti ku është Siria?
Mos perdorni komentet per te bere pyetje, mund te mos merrni pergjigje. Shkruaje pyetjen tende tek Pyetje dhe Pergjigje
Komento i pari kete artikull!
