Premtimi për 300 mijë vende pune, Banka Botërore nxier bllof Ramën

Këtë të hënë Banka Botërore bëri publik raportin për vendet e reja të punës të krijuara në Ballkanin Perëndimor gjatë kulmit të krizës ekonomike botërore 2010-2016.

Sipas këtij raporti, në rajonin e Ballkanit Perëndimor gjatë kësaj periulle janë krijuar vetëm 300,000 vende pune shtesë për 5 shtete.

E përkthyer në përqindje është e barabartë me shifrën 6%.

Ky përfundim bazohet në raportin “Prirjet në Tregun e Punës në Ballkanin Perëndimor për vitin 2017”, i cili u prezantua sot nga Banka Botërore dhe instituti i Vienës për Studimet Ekonomike Ndërkombëtare.

Por duke u futur më në detaje të raportit, Banka Botërore thekson se Shqipëria ka rritje vetëm me 3% në punësim, ku nga 50% që ishtë kjo shkallë në 2013- ën, në fund të 2015-ës shkoi në 53%.

Megjithatë, Banka thotë se një pjesë e mirë e numrit të të punësuarve kanë ardhur si rezultat i futjes në skemën e Sigurimeve Shoqërore, edhe pse nënvizon se Shqipëria dhe Kosova vazhdojnë të kenë një shkallë të lartë informaliteti në këtë drejtim.

Një përfundim i tillë, hedh poshtë përfundimisht pretendimin e kryeministrit Edi Rama se ka hapur 300 mijë vende pune gjatë këtij mandati (2013-2016).

Pavarsisht atyre që mund të thotë kryeministri dhe shifrat ''Made in Albania'', shifra e 300 mijë vendeve të punës është e destinuar të mbetet vetëm një premtim elektoral logjikisht i pa mbajtëshëm.

Përditësuar me 05 Pri 2017