Maqedonia në prag konflikti, deputeti shqiptar në gjendje kritike për jeten

Zgjedhja e Talat Xahferit te BDI-së si kryetar i parlamentit të Maqedonisë ka tensionuar jashtëzakonisht situatën në Shkup.

Sipas lajmeve të fundit, nga përleshjet në Parlamentin maqedonas ka mbetur i plagosur lideri i Aleancës për Shqiptarët, Ziadin Sela.

Sipas disa burimeve jozyrtare, mësohet se Sela është lënduar nga protestuesit dhe eshte ne gjendje kritike per jeten. 

Alsat-M raporton se Sela është nga ata që janë dëmtuar më shumë, ndërsa ka edhe gazetarë të lënduar. 

Mësohet se persona të maskuar kanë sulmuar deputetët, gazetarët në Maqedoni dhe kryetarin e LSDM-së, Zoran Zaev në Parlament.

Ata mesohet se kane kaluar shumë afër policisë, por policia nuk ka bere dot te mundur ndalimin e tyre.

Zaev është sulmuar dhe përgjakur pas përfundimit të seancës së shumicës parlamentare.

Aktualisht Kuvendi i Maqedonisë mbahet i rrethuar dhe pushtuar nga mbështetësit VMRO.

Në foto: Deputeti Sela

në foto: Zoran Zaev i gjakosur

Përditësuar me 27 Pri 2017