Covid-19, regjistrohet viktima e 16

Lajme

Covid-19, regjistrohet viktima e 16

Ka shkuar në 16 numri i viktimave nga koronavirusi në vend. Mëngjesin e sotëm ka ndërruar jetë një pacient 78-vjecar te Infektivi.

Lajmin e ka bere me dije sot Ministria e Shendetesise, duke dhene te rejat me te fundit lidhur me situaten e koronavirusit ne vend.

“Ju bëjmë me dije se mëngjesin e sotëm ka ndërruar jetë një pacient 78- vjeçar nga Durrësi i konfirmuar me COVID-19. 78-vjecari ishte në gjendje të rëndë, i intubuar prej 3 ditësh dhe pavarësisht përpjekjeve të stafit mjekësor fatkeqësisht nuk arriti të mbijetojë. Ministria e Shëndetësisë dhe Mbrotjes Sociale i shpreh ngushëllimet familjes së të ndjerit”-njoftoi MSh ne deklaraten e sotme per mediat.

Deri tani janë 16 persona që kanë ndërrur jetë nga COVID-19 në Shqipëri.

VOA: Mesatarja e vdekjeve ne shqiperi, mbi ate boterore

Numri i personave të prekur nga COVID 19 po rritet me ritme thuajse të njejta, pa luhatje të forta, duke arritur në 259 raste të konfirmuara deri mesditën e sotme. “Janë testuar 152 persona të cilët kanë qenë të dyshuara. Mes tyre kemi patur 16 raste të reja me COVID 19”, deklaroi Silva Bino, drejtuese e Departamentit të epidemiologjisë në Institutin e Shëndetit Publik.

Por ndërsa mesatarja botërore e vdekjeve në raport me numrin e të infektuarve është afërsisht 5 përqind, në Shqipëri ajo është diku te 5.8 përqind. Numri i viktimave, 15 të tilla deri tani, u rrit ndjeshëm ditët e fundit, 3 vetëm gjatë ditës së djeshme, apo 10 raste që nga mbrëmja e së enjtes. Mosha mesatare e tyre është 66 vjeç.

Përditësuar me 02 Pri 2020

490

Shpërndaje

Mos perdorni komentet per te bere pyetje, mund te mos merrni pergjigje. Shkruaje pyetjen tende tek Pyetje dhe Pergjigje