Shqipërisë I Ofrohen Mundësi "grant" Dhe "kredi Të Buta" Nga Qeveria Japoneze

[AAAA 0]

Shqipërisë i ofrohen mundësi "grant" dhe "kredi të buta" nga qeveria japoneze

 

 

"Marubeni", paraqet tek Berisha projektet në energjitikë

 

 

Fusha e energjitikës dhe investimet në këtë fushë kanë qenë pika kryesore e bisedës mes kryeministrit Sali Berisha dhe dy përfaqësuesve të kompanisë japoneze "Marubeni", të cilët në një takim në selinë qeveritare i kanë paraqitur kreut të qeverisë projektet e tyre në Shqipëri. Kryeministri Berisha i ka pritur përfaqësuesit japonezë dje paradite në zyrën e tij, ndërsa ka mirëpritur projektet e tyre. Kryeministri Berisha i ka falenderuar dhe mirëpritur propozimet e këtij grupi, për investime dhe financime në Shqipëri dhe ka theksuar edhe një herë më shumë se, "fusha e zgjedhur prej kësaj kompanie, pra energjitika, është prioritet edhe për qeverinë shqiptare, ndaj bashkëpunimi në këtë fushë konsiderohet shumë i frytshëm".