Protesta e Opozitës, Meta: Mund të takohem me Bashën

Kreu i LSI-së Ilir Meta i ka dhene pergjigje thashethemeve qe po qarkullojne keto dite se mes tij, pas darkes ne kryeminstri me Ramen, do te kete nje takim mes tij dhe liderit te opozites Lulzim Basha.

Çani: Gojët e liga thonë se së shpejti pritet të ketë një darkë mes teje dhe Lul Bashës.

Meta: Zoti Basha ka qenë gjithmonë i mirëpritur nga unë si kreu i Kuvendit dhe ai ka ardhur dhe unë e kam ftuar para reformës në drejtësi.

Çani: Nuk është tabu apo jo?

Meta: Po nuk është tabu se ne jemi takuar, në cdo situatë si mund të them unë nuk e takoj, jo vetëm me kreun e opozitës por edhe me kreun e cdo partie opozitare që nuk është në parlament

Çani: A te ka thene Rama se jeta është e shkurtër, bëhu president dhe rehatohemi në 4 vitet e ardhshme s’ke pse kalon ditën me mua dhe natën te cadra e Lulit

Meta: S’e kemi diskutuar këtë dhe nuk e dinte njeri sa doktori të ishte aq kategorik dhe ta cilësonte atë si darka e fundit, ajo është marrë vesh ditën tjetër. Rëndësi ka të mos jetë darka e gabuar apo jo?

Çani: Kjo do merret vesh shumë shpejt… A i ke kerkuar Rames më jep kokën e Sajmes dhe e mbyllim me kaq?

Meta: Absolutisht

Çani: Rama të ka propozuar një tjetër alternative të kaloni në qeveri teknike me kryeministër Saimir Tahirin?

Meta: Kjo qenka gojë e ligë, tamam e Fahri Balliut.

Gjithashtu Meta ka konfirmuar përfundimisht se nuk ka ndërmend të kandidojë për postin e presidentit të Republikës.

''Nuk ma ka ofruar njeri, por nuk është se e pretendoj dhe e përjashtoj. Unë jam kryetar i LSI, sapo kam marrë mandatin për ta drejtuar këtë parti dhe nuk do ti shmangem kësaj përgjegjësie''- tha Meta